LIC New Jeevan Shanti pension plan: निवृत्तीनंतर चांगली पेन्शन मिळवण्याची इच्छा प्रत्येक नोकरी करणाऱ्या व्यक्तीच्या मनात असते. आपल्याला वयाच्या ५० किंवा ६० व्या वर्षांनंतर आवश्यक खर्चासाठी ठराविक रक्कम हवी असते. जर तुम्हालाही निवृत्तीनंतर आलिशान आयुष्य जगायचं असेल तर भारतीय आयुर्विमा महामंडळाच्या (LIC) पेन्शन योजनेत गुंतवणूक करणे एक उत्तम पर्याय ठरू शकतो.
न्यू जीवन शांती प्लॅनचे वैशिष्ट्ये
एलआयसीचा न्यू जीवन शांती प्लॅन एक सिंगल प्रीमियम योजना आहे. यामध्ये गुंतवणूक केल्यानंतर तुम्हाला आयुष्यभर पेन्शन मिळते. हा प्लॅन नोकरी करणारे, व्यवसाय करणारे किंवा कोणत्याही प्रकारचे उत्पन्न असलेले व्यक्ती घेऊ शकतात.
या योजनेत सहभागी होण्यासाठी किमान वय ३० वर्षे आणि कमाल वय ७९ वर्षे असावे लागते. लक्षात ठेवण्यासारखी गोष्ट म्हणजे, तुमचं वय जितकं कमी असेल, तितकी पेन्शन रक्कम अधिक मिळते.
गुंतवणुकीची रक्कम किती आहे
या पॉलिसीमध्ये किमान १.५ लाख रुपये गुंतवणूक करावी लागते. यापेक्षा जास्त रक्कमही गुंतवली जाऊ शकते. जितकी जास्त रक्कम गुंतवली जाईल, तितकी जास्त पेन्शन मिळेल.
या योजनेत दोन पर्याय उपलब्ध आहेत:
- सिंगल लाइफ डेफर्ड अॅन्युइटी: यात एकाच व्यक्तीसाठी पेन्शन मिळते.
- जॉइंट लाइफ डेफर्ड अॅन्युइटी: यात दोघांना एकत्र पेन्शन मिळते.
तुम्ही या दोन्ही पर्यायांपैकी कोणताही पर्याय निवडू शकता.
पेन्शन कधी सुरू होते?
यामध्ये ५ वर्षांनंतर पेन्शन सुरू होते. म्हणजे, जर तुमचं वय ४० वर्षे असेल, तर ५ वर्षांनी, म्हणजेच ४५ व्या वर्षी तुमचं पेन्शन सुरू होईल. तसेच, जर तुम्ही ५५ व्या वर्षी योजनेत गुंतवणूक केली, तर ६० व्या वर्षी तुम्हाला पेन्शन मिळायला सुरू होईल.
पेन्शनची रक्कम किती असेल?
समजा तुमचं वय ४५ वर्षे आहे आणि तुम्ही सिंगल प्रीमियमअंतर्गत ११ लाख रुपये गुंतवले आहेत. ५ वर्षांनी, म्हणजेच ५० वयाच्या झाल्यावर, तुम्हाला वर्षाला १,००,००० रुपये (सुमारे ९९,४४० रुपये) पेन्शन मिळेल.
त्याचप्रमाणे, जर तुम्ही ५५ व्या वर्षी योजनेत ११ लाख रुपये गुंतवले, तर ६० व्या वर्षी तुमचं पेन्शन सुरू होईल. यावेळी तुम्हाला १,०२,८५० रुपये वार्षिक पेन्शन मिळेल.
पेन्शनचे प्रकार
तुम्ही पेन्शन दर महिन्याला, दर तिमाहीत, किंवा दर सहामाहीत देखील घेऊ शकता. यामुळे, तुमच्या गरजा आणि सोयीनुसार तुम्ही पेन्शनचा वापर करू शकता.
इतर फायदे
एलआयसीच्या न्यू जीवन शांती प्लॅन मध्ये अनेक इतर फायदेही आहेत.
१. नॉमिनीला रक्कम परत: पॉलिसी धारकाच्या मृत्यू झाल्यास, त्याच्या नॉमिनीला गुंतवलेली रक्कम आणि त्यावर व्याजासह परत मिळते.
२. सरेंडर व्हॅल्यू: या पॉलिसीमध्ये तुम्ही केव्हाही सरेंडर करू शकता. आणि यामध्ये सरेंडर व्हॅल्यू इतर पॉलिसींपेक्षा अधिक असते.
३. कर्ज सुविधा: पॉलिसी सुरू झाल्यानंतर तीन महिन्यांनी तुम्ही कर्ज देखील घेऊ शकता. यामुळे, तुमच्या अचानक लागणाऱ्या पैशांची आवश्यकता पूर्ण केली जाऊ शकते.